Conseyu Asturianu de la Muyer

Tipoloxía

 El Conseyu Asturianu de la Muyer ye un órganu de participación, consulta y asesoramientu del Institutu Asturianu de la Muyer integráu por representantes d’asociaciones de muyeres, partíos políticos y sindicatos, que contemplen como fin principal la promoción de la igualdá d’oportunidaes ente muyeres y homes.

Funciones

• Constituyise en foru de debate, discusión y alcuentru de les asociaciones de muyeres de la comunidá autónoma y potenciar que les sos aportaciones se tresmitan y repercutan sobre’l conxuntu de les muyeres asturianes.

• Unviar propuestes y iniciatives tanto al Institutu Asturianu de la Muyer como a los demás poderes públicos de la comunidá autónoma, tocante a los fines que-y son propios, y aconseyar que garanticen el cumplimientu de los derechos en tolos ámbitos.

• Ellaborar informes referíos a la situación y perspectives d’igualdá d’oportunidaes nel Principáu d’Asturies y a les midíes necesaries p’avanzar neses materies.

• Estimular la creación de conseyos locales y comarcales de la muyer del Principáu d’Asturies y potenciar la vinculación colos conseyos de la muyer d’otres comunidaes autónomes.

• Recibir información sobre les llinies d’actuación xenerales y prioritaries de la política presupuestaria.

• Tener audiencia nel establecimientu de prioridaes, dientro del presupuestu autorizáu del Institutu Asturianu de la Muyer.

• Tener audiencia primero de la ellaboración y aprobación de planes d’igualdá d’oportunidaes

Regulación

• Llei del Principáu d’Asturies 2/2011, de 11 de marzu, pa la igualdá de muyeres y homes y la erradicación de la violencia de xéneru.

• Resolución de 27 de xunetu del 2000, de la Conseyería de la Presidencia, pola que se regula la composición, funcionamientu y réxime xurídicu del Conseyu Asturianu de la Muyer del Principáu d’Asturies.

• Resolución de 11 de payares del 2011, de la Conseyería de Bienestar Social y Igualdá, pola que s’adapta la composición del Plenu del Conseyu Asturianu de la Muyer a la reestructuración de les conseyeríes qu’integren l’Alministración de la comunidá autónoma, aprobada por Decretu 12/2011, de 16 de xunetu, del Presidente del Principáu d’Asturies, modificáu por Decretu 26/2011, de 16 d’agostu.

• Resolución de 30 de xineru de 2012, de la Conseyería de Bienestar Social y Igualdá, de rectificación d’errores alvertíos na Resolución de 11 de payares del 2011 pola que s’adapta la composición del plenu del Conseyu Asturianu de la Muyer a la reestructuración de les conseyeríes qu’integren l’Alministración de la comunidá autónoma, aprobada por Decretu 12/2011, de 16 de xunetu, del Presidente del Principáu d’Asturies, modificáu por Decretu 26/2011, de 16 d’agostu; Decretu 12/2011, de 16 de xunetu, del Presidente del Principáu d’Asturies.

Componentes

• Presidencia: la persona titular de la Conseyería competente en materia d’igualdá.

• Vicepresidencia: la persona titular de la dirección del Institutu Asturianu de la Muyer

• Secretaría: un/a funcionariu/a adscritu/a al Institutu Asturianu de la Muyer

• Vocalíes: un vocal representante de caúna de les asociaciones de muyeres, partíos políticos y sindicatos que soliciten formalmente la incorporación

Páxina web

https://iam.asturias.es/consejo-asturiano-de-la-mujer