Oxetivu
Creada por Decretu 87/1990, del 26 d’avientu, el so oxetu ye resolver reclamaciones de calter mercantil rellacionaes col cumplimientu de los contratos de tresporte terrestre y de les actividaes auxiliares y complementaries.
Si la reclamación nun supera los 15.000 euros y sacante pactu en contrario primero de la prestación del serviciu, les xuntes arbitrales son les úniques competentes pa resolver estes reclamaciones.
Si la cantidá ye superior, ye menester que les partes intervinientes, d’alcuerdu común, sometan a la so conocencia’l discutiniu de que se trate.
Procedimientu
Pue dir a la xunta arbitral, ensin abogáu nin procurador, cualquier usuariu, tresportista, cargador o intermediariu que seya parte contratante nun tresporte.
Un escritu cenciellu de reclamación con un trámite de vista oral, rápidu y antiformalista, ye abondo pa resolver les reclamaciones que se presenten.
La intervención de les xuntes ye de baldre. La reclamación preséntase, a elección del reclamante, na xunta arbitral del llugar d’orixe o destín del tresporte o de celebración del contratu, sacante que se pactare de manera espresa al soscribir el contratu la sumisión a una xunta concreta.
Si’l reclamante nun pudiere presentase énte la xunta, pue dar la so representación a otra persona con un escritu cenciellu.
El laudu o alcuerdu de la xunta sustituye a la sentencia o decisión xudicial y produz efectos idénticos a la cosa xulgada.
Protección de datos de calter personal
