Política de privacidá

L’Alministración del Principáu d’Asturies respeta la llexislación en materia de protección de datos personales, la privacidá de los interesaos y el secretu y seguridá de los datos personales, d’alcuerdu colo establecío na llexislación aplicable en materia de protección de datos, en concreto, el Reglamentu (UE) 2016/679 del Parllamentu Européu y del Conseyu de 27 d’abril del 2016, adoptando pa ello les midíes técniques y organizatives que seyan menester pa evitar la perda, mal usu, alteración, accesu ensin autorizar y robu de los datos personales facilitaos, teniendo en cuenta l’estáu de la tecnoloxía, la naturaleza de los datos y los riesgos a los que tán espuestos.

Infórmase a les persones usuaries d’esti portal de que los sos datos de calter personal namás van poder recoyose pal to tratamientu cuando seyan afayadizos, pertinentes y non escesivos no que fai al ámbitu y les finalidaes determinaes, esplícites y llexítimes pa les que se llograren.

Cuando se recaben datos personales al traviés de cualesquier portal de l’Alministración del Principáu d’Asturies, va informase primeramente al usuariu, de forma clara y inequívoca, d’estes cuestiones:

• Existencia d’un tratamientu de datos de calter personal.
• La identidá y los datos de contactu del responsable del tratamientu.
• Los datos de contactu del Delegáu de Protección de Datos.
• Los fines del tratamientu a que se destinen los datos personales y la base xurídica del tratamientu.
• Los destinatarios o les categoríes de destinatarios de los datos personales, nel so casu.
• Nel so casu, la intención del responsable del tratamientu de tresferir datos personales a un tercer país.
• El plazu o los criterios de caltenimientu de la información.
• La existencia del derechu a solicitar al responsable del tratamientu l’accesu a los datos personales relativos al interesáu, y la so rectificación o supresión, o la llimitación del so tratamientu, el derechu a la portabilidá de los datos, o a oponese al tratamientu. De la mesma, la manera d’exercitar los derechos indicaos.
• Cuando’l tratamientu se base nel consentimientu del interesáu, la existencia del derechu a retirar el consentimientu en cualesquier momentu, ensin qu’ello afecte a la llicitú del tratamientu basáu nel consentimientu previu a la so retirada. Si’l tratamientu nun se basa nel consentimientu, el so derechu a exercer la oposición al tratamientu.
• El derechu a presentar una reclamación énte una autoridá de control.
• La existencia, si les hubiera, de decisiones automatizaes, incluyida la ellaboración de perfiles y l’exerciciu de derechos asociaos a esi tratamientu.

La persona usuaria va ser la responsable única de la cumplimentación de los formularios con datos falsos, inexactos, incompletos o non actualizaos.

Responsable del tratamientu

Los datos de calter personal que pudieren llograse directamente de les persones interesaes van ser trataos de forma confidencial y van quedar incorporaos a la correspondiente actividá de tratamientu titularidá de l’Alministración del Principáu d’Asturies.

La llista actualizada de les actividaes de tratamientu de l’Alministración del Principáu d’Asturies ta disponible nel portal de Tresparencia.

Finalidá

La finalidá del tratamientu de los datos correspuende a caúna de les actividaes de tratamientu que realiza l’Alministración del Principáu d’Asturies y que tean disponibles nel portal de Tresparencia.

Llexitimación

El tratamientu de los sos datos realízase pal cumplimientu d’obligaciones llegales por parte de l’Alministración del Principáu d'Asturies, pal cumplimientu de misiones realizada n’interés públicu o nel exerciciu de poderes públicos conferíos a l’Alministración del Principáu d’Asturies, mesmo que cuando la finalidá del tratamientu rica’l so consentimientu, qu’habrá dase per aciu una acción afirmativa clara.

Pue consultar la base llegal pa caúna de les actividaes de tratamientu que lleva a cabu l’Alministración del Principáu d’Asturies nel portal de Tresparencia.

Conservación de datos

Los datos personales proporcionaos van caltenese mientres el tiempu necesariu pa cumplir cola finalidá pa la que se recaben y pa determinar les posibles responsabilidaes que pudieren derivase de la finalidá, amás de los periodos establecíos na normativa d’archivos y documentación.

Comunicación de datos

Con calter xeneral nun se van comunicar los datos personales a terceros, sacante obligación llegal, ente les que pueden tar les comunicaciones al Defensor del Pueblu, Xueces y Tribunales, interesaos nos procedimientos rellacionaos coles reclamaciones presentaes.

Pue consultar los destinatarios pa caúna de les actividaes de tratamientu que lleva a cabu l’Alministración del Principáu d’Asturies nel portal de Tresparencia.

Derechos de los interesaoos

El Reglamentu (UE) 2016/679 del Parllamentu y del Conseyu, de 27 d’abril del 2016, relativu a la protección de les persones físiques no que fai al tratamientu de datos personales y a la circulación llibre d’estos datos, regula los derechos de les persones interesaes énte un tratamientu de los sos datos n’artículu 12 y siguientes, especificando que, como titulares de los mesmos, pueden exercitar los derechos d’accesu, rectificación, supresión ("derechu al escaezu"), oposición y llimitación al tratamiento.

Cookies​​​​​​​

Cola so navegación, usté da’l consentimientu pa recibir les cookies qu’utiliza esti sitiu web, qu’en casu nengún van emplegase pa recoyer información de calter personal. Son de dos tipos:

• Cookies propies: mándense al so equipu y son xestionaes namás pola Alministración del Principáu d’Asturies, que solo llogra y conserva la información relativa a los datos de sesión y idioma. Estes cookies son necesaries pal funcionamientu correctu y visualización del sitiu web por parte del usuariu.
• Cookies analítiques de terceru: el sitiu web usa les cookies de la ferramienta Google Analytics, que realiza una midida y análisis estadísticu de la navegación de los usuarios na web, cola mira d’ameyorar los servicios qu’ufierta’l mesmu. La información que xenera la cookie ye directamente tresmitida y archivada por Google.

Pa garantizar l’anonimatu, Google convierte la so información n’anónima modificando la dirección IP primero d’almacenala. Tampoco asocia la so dirección IP modificada a nengún otru datu calteníu por Google, nin pue unviar la información recoyida por Google Analytics a terceros sacante cuando tenga obligación llegal de facelo, d’alcuerdu a les condiciones de prestación del serviciu de Google Analytics.

Si usté asina lo quier, pue denegar el permisu pal tratamientu estadísticu de los datos o de la información con Google Analytics.

• Recordámos-y qu’execute esta acción cada vez que modifique’l navegador o la so configuración, o si elimina les cookies, yá que l’indicador de denegación guárdase nuna cookie.

Xurisdicción y llexislación aplicable

Pa los discutinios que pudieren dase na interpretación, aplicación o cumplimientu d’estes llicencies y términos llegales, mesmo que pa los derivaos de la utilización de los conteníos y los datos, van ser competentes los xulgaos y tribunales del domiciliu de l’Alministración del Principáu d’Asturies, que van aplicar la llexislación del llugar.

Recomendación

Encamiéntase a toles persones o entidaes qu'utilicen, reproduzan, modifiquen o distribuyan los conteníos y los conxuntos de datos, a que pongan en sabencia de l’Alministración del Principáu d’Asturies tolos proyectos rellacionaos o derivaos del usu de los conteníos y los conxuntos de datos, de manera que s’espongan de forma pública cola mira de favorecer les polítiques de reutilización d’información del sector públicu y aprovechamientu común por tolos usuarios y axentes.