Comisión de Comunicación Institucional

Tipoloxía

Órganu colexáu pa garantizar que la comunicación institucional sirva con oxetividá a los intereses xenerales y s’afaiga a los principios de la Llei del Principáu d’Asturies 6/2006, de 20 de xunu, de Comunicación y Publicidá institucionales con suxeción a los principios d’economía y eficiencia.

Funciones

1. Resolver les acciones de cesación o rectificación que s’interpongan al amparu de lo previsto n’artículu 7 de la Llei 6/2006.

2. Emitir dictame non vinculante cuando lu pidan los suxetos a los que se refier l’artículu 1.1 de la Llei 6/2006, sobre cuestiones referíes a la so aplicación.

3. Ellaborar los estudios que considere pa la meyor consecución de los fines marcaos pola Llei 6/2006.

4. Recoyer de los suxetos a los que se refier l’artículu 1.1 de la Llei 6/2006 la información sobre les sos actividaes de comunicación institucional na forma y términos que reglamentariamente se determinen.

5. Ellaborar, pal so unviu al Conseyu de Gobiernu, el proyectu d’informe anual en materia de comunicación institucional al que se refier l’artículu 9 de la llei.

6. Escoyer, ente los sos miembros, la persona que tenga qu’exercer la vicepresidencia.

7. Escoyer, ente los sos miembros, les persones que tengan d’actuar como vocales de la Comisión Executiva y prever la so suplencia.

Regulación

Decretu 237/2007, de 31 d’agostu, pol que se determina la composición, organización y funcionamientu de la comisión de comunicación institucional y el procedimientu pa la tramitación de l’acción de cesación o rectificación. Modificáu por Decretu 22/2013.

Componentes

El plenu de la Comisión compónenlu:

• Presidencia: la persona titular de la conseyería competente en materia de comunicación, que va poder delegar les sos funciones na persona qu’exerza la vicepresidencia.
• Vicepresidencia: la persona qu’escueya la comisión d’ente los sos miembros.
• Vocalíes:

1. Una persona en representación de les entidaes locales, nomada pola Federación
2. Asturiana de Conceyos.
3. Una persona en representación del Conseyu Económicu y Social.
4. Una persona en representación de la Unión de Consumidores y Usuarios.
5. Una persona en representación de la Universidá d’Uviéu, a propuesta del Vicerrectoráu d’Estensión Universitaria y Comunicación.
6. Una persona en representación de l’Asociación de la Prensa d’Uviéu, d’algame provincial.
7. Una persona en representación de l’Asociación d’Axencies de Publicidá del Principáu d’Asturies.
8. Una persona por caúna de les conseyeríes en que s’estructura l’Alministración del Principáu d’Asturies.

• Va actuar como titular de la Secretaría, ensin formar parte de la Comisión, un funcionariu o funcionaria adscritu/a a la conseyería competente en materia de comunicación.