Observatoriu y Conseyu Social pal Retu Demográficu

Tipoloxía

Órganu de collaboración institucional y participación social en materia de demografía, nel ámbitu de la Comunidá Autónoma.

Funciones

• Proponer y impulsar planes demográficos.

• Realizar el siguimientu de les actuaciones que se deriven de los planes mentaos, pente medies de la emisión d’informes y recomendaciones.

• Definir y aplicar indicadores específicos pa midir variables demográfiques y socioeconómiques relevantes p’Asturies.

• Promover foros de debate que dexen la reflexón y l’alcuentru d’entidaes variaes y axentes sociales y económicos vinculaos na problemática demográfica n’Asturies.

• Impulsar y orientar les polítiques públiques rellacionaes col retu demográficu, asegurando la igualdá de xéneru, la cohesión territorial y social, y la prestación correcta de servicios.

• Formular propuestes y recomendaciones estratéxiques pa les llinies d’actuación pública n’Asturies, cola mira de producir efectos positivos nes dinámiques demográfiques.

• Fomentar la identificación y promoción d’iniciatives, esperiencies y proyectos pilotu en materia de dinamización demográfica a nivel comunitariu, estatal, européu y internacional.

Regulación

Decretu 68/2024, de 25 d’ochobre, pol que se regulen les funciones, composición y réxime de funcionamientu del Observatoriu y Conseyu Social pal Retu Demográficu.

Componentes

• Presidencia: la persona titular de la conseyería competente en materia de retu demográficu

• Vicepresidencia: la persona titular de la dirección xeneral competente en materia de retu demográficu.

• Secretaría: una persona funcionaria de la conseyería onde s’adscriba l’Observatoriu.
• Vocalíes:

1. Cinco vocales nomaos pol Conseyu de Gobiernu del Principáu d’Asturies.
2. Dos representantes del sector empresarial, nomaos pola Federación Asturiana d’Empresarios (FADE).
3. Trés representantes del movimientu asociativu, sobre manera del vinculáu a la zona rural, nomaos pola persona titular de la conseyería competente en materia de retu demográficu, teniendo en cuenta la so representación nel ámbitu supramunicipal y la so implantación nel territoriu.
4. Un representante de la Sociedá Asturiana d’Estudios Económicos y Industriales (SADEI).
5. Un representante de la Federación Asturiana de Conceyos (FACC).
6. Un representante de la Universidá d’Uviéu.
7. Dos representantes de les organizaciones sindicales más representatives nel Principáu d’Asturies.
8. Un representante de la Federación Asturiana de Parroquies Rurales (FAPAR).
9. Un representante del Conseyu Asturianu de la Muyer del Principáu d’Asturies.
10. Un representante del Conseyu Asturianu de la Mocedá del Principáu d’Asturies.

Amás de los anteriores, l’Alministración Xeneral del Estáu va poder nomar una vocalía nel Observatoriu`.