Conseyu Rector del Institutu Asturianu d’Alministración Pública "Adolfo Posada"

Tipoloxía

Órganu rector del Institutu Asturianu d’Alministración Pública "Adolfo Posada".

Funciones

a) Informar y someter al conseyeru/a de Facienda y Fondos Europeos, pa la so aprobación, el plan d’actividaes del Institutu.
b) Aprobar el programa anual d’actividaes del Institutu.
c) Informar al conseyeru/a de Facienda y Fondos Europeos sobre les necesidaes económiques y de personal del Institutu, pa efectos de la ellaboración del anteproyectu de presupuestu anual de gastos de la Conseyería.
d) Aprobar el reglamentu de réxime interior del Institutu.
e) Aprobar la memoria anual relativa al desenvolvimientu d’actividaes.
f) Proponer la firma de convenios con organismos públicos o privaos pal meyor cumplimientu y desenvolvimientu de los sos fines.
g) Conocer de tolos asuntos que, pola so trescendencia pal cumplimientu de los fines del Institutu, unvie’l so director/a.
h) Informar les normes de desenvolvimientu d’esti decretu.

Regulación

​​​​​​​

• Decretu 15/2012, de 8 de marzu, pol que se regula la organización del Institutu Asturianu d’Alministración Publica Adolfo Posada.
• Decretu 32/2019, de 15 de mayu, de primer modificación del Decretu 15/2012, de 8 de marzu, pol que se regula la organización del Institutu Asturianu d’Alministración Publica Adolfo Posada.
• Decretu 2/2020, de 13 de febreru, de segunda modificación del Decretu 15/2012, de 8 de marzu, pol que se regula la organización del Institutu Asturianu d’Alministración Publica Adolfo Posada.

Componentes

El Conseyu Rector, presidíu pol titular de la Conseyería de Presidencia, Retu Demográficu, Igualdá y Turismu, intégrenlu estos miembros:

• El director/a del IAAP, que va asumir la vicepresidencia.
• El viceconseyeru competente en materia de selección y formación d’emplegaos públicos, en casu d’existir.
• El director xeneral competente en materia de función pública.
• El director xeneral competente en materia de tecnoloxíes de la información y la comunicación.
• Cuatro vocales nomaos pol presidente del Conseyu Rector, que van ser cinco pal casu de que nun hubiere viceconseyeru competente en materia de selección y formación d’emplegaos públicos.
• Cinco representantes de los sindicatos: ún representante por caún de los cuatro sindicatos más representativos nel ámbitu de l’Alministración del Principáu d’Asturies, amás d’ún representante de sindicatos firmantes del Alcuerdu Nacional de Formación Continua, nel supuestu de que nun tuviere la condición anterior.
• Va actuar como secretariu, con voz pero ensin votu, el secretariu xeneral del lAAP.