Conseyu de Comunidaes Asturianes

Tipoloxía

Órganu colexáu de representación y participación de les comunidaes asturianes con reconocencia d’asturianía y espaciu d’alcuentru d’aquelles con representantes institucionales, empresariales y sindicales.

Regulación

• Capítulu V (artículos 16 al 19) de la Llei del Principáu d’Asturies 2/2018, de 23 de marzu, de los asturianos nel esterior y de la reconocencia de l’asturianía.
• Capítulu III (artículos 18 al 36) del Reglamentu de la Llei del Principáu d’Asturies 2/2018, de 23 de marzu, de los asturianos nel esterior y de la reconocencia de l’asturianía, aprobáu pol Decretu 46/2019, de 21 de xunu.
• Artículu 1.3 del Decretu 79/2019, de 30 d’agostu, pol que s’establez la estructura orgánica básica de la Conseyería de Presidencia (adscripción).

Componentes

El Conseyu intégrenlu:

• Los ex-presidentes del Principáu d’Asturies.
• La persona titular de la Conseyería competente en materia d’emigración.
• La persona titular del órganu central competente en materia d’emigración.
• El rector de la Universidá d’Uviéu.
• El presidente de la Federación Internacional de Centros Asturianos.
• Cuatro vocales nomaos pol Conseyu de Gobiernu del Principáu d’Asturies.
• Siete vocales escoyíos pola Xunta Xeneral del Principáu d’Asturies.
• Hasta ocho representantes de comunidaes asturianes con reconocencia d’asturianía.
• Un vocal nomáu pola Federación Internacional de Centros Asturianos.
• Un vocal nomáu pola Universidá d’Uviéu.
• Un vocal nomáu pola Academia de la Llingua Asturiana.
• Un vocal nomáu pol Real Institutu d’Estudios Asturianos.
• Un vocal nomáu pol Conseyu de la Mocedá.
• Dos vocales nomaos polos sindicatos más representativos de la Comunidá Autónoma.
• Dos vocales nomaos poles organizaciones empresariales más representatives de la Comunidá Autónoma.
• Ún nomáu pola Fundación Archivu d’Indianos.
• Ún nomáu pola asociación d’emigrantes retornaos con más númberu de persones socies.
• Ún nomáu pola asociación con más rellación colos emigrantes asturianos, con más númberu de persones socies y más númberu d’actividaes pal tratamientu de la problemática migratoria y les sos aportaciones.

Una representación más reducida conforma la Comisión Delegada del Conseyu. El mandatu de los sos miembros ye de cuatro años.