Conseyu Asesor de Turismu

Tiploxía

El Conseyu Asesor de Turismu del Principáu d’Asturies ye l’órganu d’asesoramientu, sofitu y propuesta pa los asuntos referíos a la promoción, fomentu y desenvolvimientu del turismu de la comunidá autónoma del Principáu d’Asturies.

Funciones

• Informar, primero d’aprobase, sobre les disposiciones reglamentaries que se dicten en desenvolvimientu de la Llei del Principáu 7/2001, de 22 de xunu, de Turismu.
• Informar, primero d’aprobase pol Conseyu de Gobiernu, sobre los planes y proyectos que tengan incidencia en materia d’actuaciones turístiques.
• Emitir dictame preceptivu nos procedimientos de declaración de zones turístiques saturaes.
• Proponer la declaración de bienes y actividaes d’interés turísticu.
• Asesorar a les entidaes locales a solicitú d’estes n’asuntos relativos a la promoción del turismu que perteneza al so ámbitu competencial.
• Emitir informe preceptivu nel procedimientu d’aprobación d’un sistema normalizáu d’información estadística que garantice la fiabilidá y actualización de los datos turísticos del Principáu d’Asturies.
• La emisión de cuantos informes o dictámenes proponga la so presidencia.
• Toes aquelles que reglamentariamente-y atribuyan.

Regulación

• Llei del Principáu d’Asturies 7/2001, de Turismu, que contempla la so creación.
• Decretu 91/2002, pol que s’aprueba’l reglamentu de funcionamientu del Conseyu.
• Llei de Principáu d’Asturies 1/2004, del Conseyu Consultivu d’Asturies, que modifica’l nome del Conseyu Consultivu pasando a tener l’actual de Conseyu Asesor de Turismu.

Componentes

Presidencia: la persona titular de la dirección xeneral competente.

Vicepresidencia: la persona escoyida pol Conseyu d’ente los sos miembros.

Vocalíes:

• 1 nomáu por cada grupu parllamentariu de la Xunta Xeneral del Principáu d’ente los que tengan acreitada la condición d’espertu.
• 5 nomaos pola Alministración del Principáu d’Asturies.
• 3 nomaos pola Federación Asturiana de Conceyos.
• 1 nomáu pola Universidá d’Uviéu.
• 2 nomaos poles organizaciones sindicales más representatives.
• 3 nomaos poles organizaciones empresariales más representatives.
• 1 nomáu por y ente les asociaciones y entidaes de calter ciudadanu que tengan ente los sos fines el caltenimientu del mediu natural y el desenvolvimientu sostenible del sector turísticu.
• Pueden nomase hasta 4 vocales con voz pero ensin votu ente técnicos y especialistes en turismu. 

Secretaría: un/a funcionariu/a adscritu/a a la dirección xeneral competente.