Comité d’estratexa dixital y de seguranza de la información del Principáu d’Asturies (CEDISI)

Tipoloxía

El CEDISI ye l’órganu colexáu con funciones de consulta, coordinación y desenvolvimientu de les actuaciones en materia TIC, seguranza de la información y organización de l’alministración dixital de l’Alministración del Principáu d’Asturies. Adscríbese a la Conseyería competente en materia de tecnoloxíes de la información y les comunicaciones.

Funciones

Funciones de calter xeneral

• Promover el desenvolvimientu de la estratexa y la organización de l’alministración dixital y la seguranza de la información nel Principáu d’Asturies, amás de fomentar la formación en materia TIC, seguranza de la Información y d’alministración electrónica nel ámbitu de l’Alministración del Principáu d’Asturies.

• Impulsar la collaboración y cooperación coles entidaes locales y con otres Alministraciones y entidaes públiques pa la puesta en marcha de servicios interalministrativos integraos y la compartición d’infraestructures técniques y servicios comunes que dexen racionalizar los recursos TIC.

• Promover la meyora continua del sistema de xestión de la seguranza de la información, asumiendo los riesgos residuales corporativos y aprobando los planes periódicos d’adecuación al Esquema Nacional de Seguranza (ENS).

Determinar estos aspectos en materia de seguranza y protección de datos

• Les funciones de seguranza na organización de l’Alministración del Principáu d’Asturies, definiendo pa caún los deberes y responsabilidaes del cargu, amás del procedimientu pal so nomamientu y renovación.

• El catálogu de servicios y sistemes d’información, según l’ENS y la llexislación vixente en materia de protección de datos.

• Asegurar, informar y aprobar la identificación y nomamientu formal de tolos responsables de la seguranza de la información de cada sistema del catálogu de servicios, d’alcuerdu a les funciones y roles del ENS y llexislación vixente en materia de protección de datos.

• Actuar como observatoriu de l’alministración electrónica y tresformación dixital n’Asturies

Regulación

Decretu 37/2018, de 18 de xunetu, d’organización y desenvolvimientu de los instrumentos de funcionamientu de les tecnoloxíes de la información y les comunicaciones y de la seguranza de la información de l’Alministración del Principáu d’Asturies y el so sector públicu. Decretu 68/2020, de 17 de setiembre, de primer modificación.

Componentes

El CEDISI van integralu estos miembros:

Presidencia: la persona titular de la Conseyería a la que s’adscribe’l Comité.

Vicepresidencia: la persona titular de la dirección xeneral competente en materia d’estratexa dixital, quien va sustituyir al presidente en casu d’ausencia.

Vocalíes: los titulares d’estos órganos:

1. La dirección xeneral competente en materia de telecomunicaciones.
2. La dirección xeneral competente en materia d’asistencia xurídica integral al Principáu d’Asturies.
3. La dirección xeneral competente en materia d’asuntos europeos.
4. La dirección xeneral competente en materia de mediu natural.
5. La dirección xeneral competente en materia de planificación, ordenación y adaptación al cambéu social.
6. La dirección xeneral competente en materia de calidá, tresformación y xestión de la conocencia nel ámbitu sanitariu.
7. La dirección xeneral competente en materia de tresparencia y participación ciudadana.
8. La dirección xeneral competente en materia de planificación y infraestructures educatives.
9. La dirección xeneral competente en materia de función pública.
10. La dirección xeneral competente en materia de presupuestos.
11. La dirección xeneral competente en materia de tresportes y movilidá.
12. La dirección xeneral competente en materia de xusticia.
13. La Intervención Xeneral.
14. La Secretaría Xeneral Técnica de la conseyería a la que s’adscribe’l Comité.

Secretariu: el responsable del serviciu encargáu de seguranza de la dirección xeneral competente en materia d’estratexa dixital.