Comisión d’Ordenación de los Recursos Humanos

Tipoloxía

Órganu de coordinación alministrativa, consultoría y asesoramientu en materia de polítiques de xestión de personal.

Funciones

1. Establecer los criterios xenerales pa la ellaboración de los instrumentos d’ordenación de los puestos de trabayu y de places y/o puestos de trabayu nel ámbitu del personal docente non universitario y nel ámbitu del personal estatutario de los centros y instituciones sanitaries dependientes del Serviciu de Salú del Principáu d’Asturies.

2. Estudiar y unviar a los órganos competentes en materia de personal les propuestes d’actuación que seya menester adoptar en materia d’optimización, racionalización y ordenación de los puestos de trabayu de l’Alministración del Principáu d’Asturies, los sos organismos y entes públicos.

3. Informar preceptivamente los proyectos de disposiciones de calter xeneral, en materia d’emplegu públicu

Regulación

• Llei del Principáu d’Asturies 2/2023, de 15 de marzu, d’Emplegu Públicu.

• Artículu 21 del Decretu 73/2023, de 18 d’agostu, pol que s’establez la estructura orgánica básica de la Conseyería de Presidencia, Retu Demográficu, Igualdá y Turismu.

Componentes

• Presidencia: la persona qu’ocupe la dirección xeneral d’Emplegu Públicu.
• Vocalíes:

1. La directora xeneral competente en materia de presupuestos.
2. La directora del Institutu Asturianu d’Alministración Pública «Adolfo Posada».
3. La interventora xeneral del Principáu d’Asturies.
4. Los secretarios/es xenerales técnicos/ques de les conseyeríes.

• Secretaría: un funcionariu/a de carrera de la Dirección Xeneral d’Emplegu Públicu.